Sopo bain arep takon aran isun Menak Jinggo
Lamat-lamat semeriwing ring kuping
Nalikane isun kelayung-layung ring gendongan
Emak-Bapak sing leren-leren ngudang
Anak isun lanang satrio bagus gagak perkuso
Dadio agul-agul sun iring pujo lan puji
Sopo bain arep takon aran isun Menak Jinggo
Isun sing perduli asal isun teko endi
Embuh lahir nong Keraton
Embuh lahir nong gelengan
Emak-Bapak karepe wis sun turuti
Sun tancep tanggul-tanggul lan umbul-umbul
Sak ubenge tanah Blambangan
Sopo bain arep takon aran isun Menak Jinggo
Pancen ono pecake tatu ring awak isun
Peninhsete tando bahkti nang rojo Mojopahit
Ngukuhaken jejege sengker Blambangan
Sirepo geni kawah ijen
Sing arep gingsir tekadisun
Mulyakaken Blambangan
Tidak ada komentar:
Posting Komentar